பொதுவாக செய்து 3,6,11-ஆம் இடங்களில் இருந்து சுப அமைப்புகளை பெறும்பொழுது கேதுதிசை ஓரளவு யோக திசை ஆகவே அமையும். (ராகு திசை அளவிற்கு எதிர்பார்க்க வேண்டாம்).

சிம்மத்தை தவிர எந்த வீட்டில் சுப அமைப்பில் இருந்தாலும், ஓரளவு நல்ல யோக பலனைக் கொடுக்கும். இருந்தாலும் கேதுவிற்கு பிடித்த வீடுகள் என்றால் கடகம், கன்னி கும்பம்.

கேது உச்சம் பெறும் விருச்சிக ராசியில் சுப அமைப்பில் இருந்தாலும், நல்ல ஞானத்தை கொடுக்கும். ( இங்கு யோகபலன் என்பது இரண்டாம் பட்சம். ஆனால் ஞானம் முதல் நிலையாக இருக்கும்)

கேது, குரு மற்றும் சனியுடன் இணைவது ஆன்மீகத் துறையில் அடுத்த நிலைக்கு அழைத்துச் செல்லும்.

மற்ற கிரகங்கள் கேதுவுடன் இணையும் பொழுது ,இணைவின் அளவைப் பொறுத்து ,இணையும் கிரகங்கள் பலவீனப்படும்.

லக்னம் , லக்னாதிபதியுடன் கேது தொடர்பு கொள்ளும்பொழுது ஆன்மீகம் சார்ந்த விஷயங்களில் ஞானத்தைக் கொடுக்கும் . தடை தாமதங்கள் தொடர்ந்தாலும் , தனி வழியில் செல்ல வைக்கும்.

முக்கிற்கு முக்கு அமர்ந்திருக்கும், முழு முதல் மூலப்பொருளான, மூஷிகவாகனனான விநாயகரே கேதுவிற்கு அதிதேவதை

கேது திசை நடப்பவர்கள், முழு முதற்கடவுளான விநாயகரை பற்றி கொள்வது, மிகச்சிறந்த நல்ல பலனைக் கொடுக்கும்.

ஒவ்வொரு மாதமும் வரக்கூடிய தேய்பிறை சங்கடஹர சதுர்த்தி அன்று, விரதம் இருந்து , மாலையில் விநாயகரை வழிபடுவது அளவற்ற நல்ல பலனைக் கொடுக்கும்.

உங்கள் ஜென்ம நட்சத்திரத்தன்று கற்பக விநாயகர் குடியிருக்கும் பிள்ளையார்பட்டி சென்று, உங்கள் பெயரில் அர்ச்சனை செய்து கொள்வது, மிகச்சிறந்த நல்ல பலனை வாரி வழங்கும்.

விநாயகர் அகவல் படிப்பது விருப்பங்களை விரைந்தோடி வரவைக்கும்.

கேதுவிற்கு மற்றொரு அதிபதி சித்திரகுப்தர்.

காஞ்சிபுரம் பஸ் நிலையம் அருகில் சித்திரகுப்தருக்கு தனி கோவில் உள்ளது .அங்கும் வழிபடலாம்.

கீழ்பெரும்பள்ளம் கேதுவின் தனி அடையாளம்.

கேது திசை கொடுக்கும் ஞானம் காலத்தால் அழியாதது .கேது திசை வந்தால் வெறுப்பில்லாமல் விரும்பி ஏற்றுக் கொள்ளுங்கள்.

கேது Ketu