Disclaimer: இவைகள் யாவுமே பொதுவான பலன்களே.
உங்கள் ஜனன ஜாதகத்தின் கிரக நிலையை பொறுத்தம் தசா புத்திகளை பொருத்தும் ஜாதக வலுவை பொருத்தும் மற்ற கிரகங்களின் பெயர்சிகளையும் பொருத்தும் பலன்களில் மாற்றங்கள் இருக்கும் எனவே எந்த காரியத்தை செய்யும் முன்பு உங்களுடைய ஜோதிடரிடம் அல்லது என்னிடம் ஜாதகத்தை காண்பித்து முடிவு செய்வது சிறப்பை தரும்
வாக்கிய பஞ்சாங்கப்படி குரு பெயர்ச்சி 2023 to 2024:
சோபகிருது வருடம் சித்திரை மாதம் 9 ஆம் தேதி (22.04.2023) சனிக்கிழமை சூரிய உதயாதி 43.30 நாழிகைக்கு இரவு 11:26 மணிக்கு மீன ராசியில் இருந்து மேஷ ராசிக்கு பிரவேசம் செய்கிறார்
திருக்கணித பஞ்சாங்கப்படி குரு பெயர்ச்சி 2023 to 2024:
சோபகிருது வருடம் சித்திரை மாதம் 8 ஆம் தேதி (21.04.2023) வெள்ளிக்கிழமை சூரிய உதயாதி 58.14 நாழிகைக்கு மறுநாள் விடியற்காலை 05:14 மணிக்கு மீன ராசியில் இருந்து மேஷ ராசிக்கு பிரவேசம் செய்கிறார்.
கடந்த ஓராண்டு காலமாக உங்கள் ராசிக்கு 11 இடத்தில் இருந்து கொண்டு லாப குருவாக செயல்பட்டுக் கொண்டிருந்தார். இந்த காலகட்டத்தில் பலவித யோகங்களை கொடுத்திருக்கும், லாப ஸ்தானம் என்பதால் பலவித லாபங்களை அனுபவித்து இருப்பீர்கள், சுப காரியங்கள் நடந்திருக்கும் முயற்சிகள் எல்லாம் வெற்றி பெற்றிருக்கும்
இனி அடுத்த ஒரு வருட காலம் உங்கள் ராசிக்கு விரைய குருவாக பெயர்ச்சி ஆகிறார். குரு பகவான் உங்கள் ராசிக்கு 4, 6 & 8 இடங்களை இனி பார்வை செய்வார்.
Jothida Rathna Chandrasekaran Post
விரைய குரு
“வன்மையுற்றிட ராவணன் முடி பன்னிரண்டினிற் வீழுந்ததும்”
என்பதற்கேற்ப இது உங்களுக்கு ஒரு சோதனை காலமாக இருக்கும் எனவே
பதவி இழப்புகள் வேலை இழப்புகள் ஏற்பட வாய்ப்பு உண்டு. வேலைகளில் விரும்பத்தகாத இடமாற்றங்கள், பதவி இறக்கங்கள், தண்டனைகள் கிடைக்க வாய்ப்புண்டு. அரசு அதிகாரிகளுக்கு அதிகாரிகளின் கெடுபிடிகள், பணிச்சுமைகள் அதிகரிக்கும், தேவையில்லாத பிரச்சனைகளில் மாட்டும் சூழல்கள் ஏற்படும். சக ஊழியர்களிடம் சண்டை சச்சரவுகள், செய்யாத தவறுக்கு தண்டனைகள், நீதிமன்ற வழக்குகளில் சிறை செல்லுதல் போன்றவைகள் நடைபெற வாய்ப்புகள் உண்டு
தொழில் துறைகளில் நஷ்டங்கள் வியாபாரங்களில் தொய்வு வியாபாரம் மாற்றங்கள் கடன் சுமைகள் அதிகரிக்கும். வம்பு வழக்குகளில் சிக்கும் வாய்ப்புகள் ஏற்படும். ஏற்கனவே நடக்கும் வழக்குகளில் சிறை தண்டனைகளை அனுபவிக்கும் காலமாக இருக்கும். வெளிநாடு வியாபாரங்களில் பிரச்சனைகளை சந்திக்கும் காலம் மற்றும் பாதிப்புகள் ஏற்படும். வெளிநாடு வியாபாரம் செய்வார்கள் சட்ட திட்டங்களில் கவனமாக இருக்க வேண்டும். சரக்கு இருப்புகள் கூடும் வரவேண்டிய பாக்கிகள் அதிகரிக்கும் இதனால் பல வித டென்ஷன்களை சந்திக்கும் காலகட்டம்.
எதிர்பாராத வகையில் விபத்துகள் நடக்க வாய்ப்புண்டு இரவு பயணங்களை தனி வாகனத்தில் பயணிப்பதை தவிர்க்க வேண்டும். வெளிநாடுகளுக்கு செல்வதில் விமான பயணத்தில் கவனம் தேவை. தேவையில்லாத அத்தியாவசியம் இல்லாத பயணங்களில் கவனம் செலுத்த வேண்டாம்.
வண்டி வாகனங்கள் அடிக்கடி திடீர் பழுதுகள் ஏற்படும் இதனால் விபத்துக்கள் நடக்க வாய்ப்புண்டு எனவே பழைய வாகனத்தை மாற்றும் காலகட்டம்
இப்படி பல வித சங்கடங்களை கொடுத்தாலும் கீழ்க்கண்ட சுப விரய செலவுகளும் நன்மைகளும் ஏற்படும்
புதிய இடம் வாங்க மனை வாங்க வீடு வாங்க சுப விரயங்கள் செய்ய ஏற்ற காலமாக இருக்கும். ஏற்கனவே இருக்கும் வீட்டில் விஸ்தரிப்புகள் செய்ய அல்லது மேல்மாடி கட்ட, புது விதமான வசதிகள் செய்து கொள்ள செலவுகள் ஏற்படும்.
புதிய வண்டி வாகன வசதிகள் ஏற்படும் பழைய வண்டிகளை மாற்றும் காலகட்டம்.
உங்களுக்கு அல்லது உங்கள் வீட்டில் உள்ளவர்களுக்கு திருமண செலவுகள் அல்லது மற்ற சுப செலவுகள் ஏற்படும். மருத்துவச் செலவுகள் மூலம் குழந்தை பாக்கியம் அமையும்.
புதிய விலை உயர்ந்த பொன் பொருள் சேர்க்கைகள் ஏற்படும். நீண்ட நாட்களாக எண்ணிக்கொண்டிருந்த பொன் நகை ஆபரணங்கள் வாங்கும் காலகட்டம்.
நீண்ட கால முதலீடுகள் செய்யும் காலகட்டமாக இருக்கும்
தாயாருக்கு இருந்த உடல் நலம் சார்ந்த பிரச்சனைகள் தீர்வுக்கு வரும் உடல் நலம் தேடும்.
புதிய இயந்திரங்களை அல்லது வீட்டு உபயோக பொருட்களை வாங்கும் காலமாக இருக்கும்
உடல்நலம் பாதிப்பு இருந்தவர்கள் இனி உடல் நலம் தேறும்
கடன் எதிரி பிரச்சனைகள் தொந்தரவுகள் சூரியனைக் கண்ட பனிபோல் நீங்கும்.
அடிமைத் தொழில் செய்பவர்களுக்கு புதிய வேலை வாய்ப்புகள் நல்ல வேலை வாய்ப்புகள் பதவி உயர்வுகள் இடமாற்றங்கள் அமையும் காலம்
மருத்துவச் செலவுகள் குறையும் நீண்ட கால நோயினால் அவதிப்பட்டவர்களுக்கு மாற்று மருத்துவத்தின் மூலம் தீர்வுகள் கிடைக்கும். மர்ம உறுப்புகளில் இருந்த பிரச்சனைகள் தீரும் இடுப்பு கீழ் சார்ந்த பிரச்சினைகள் முடிவுக்கு வரும்.
திடீர் அதிர்ஷ்டங்கள் மூலம் பண வரவுகள் அல்லது புதையல் யோகம் கிடைக்கும். புதையல் யோகம் என்பது லாட்டரி சீட்டு, ரேஸ் மற்றும் சுலபமான வழிகளில் கிடைக்கும் பணம் பரிசுப் பொருட்கள் ஆகும்.
நீண்ட கால முதலீடுகள் செய்யும் காலகட்டமாக இருக்கும் குறிப்பாக உங்கள் குழந்தைகளுக்காக
குரு பெயர்ச்சி பரிகாரம்:
திருச்செந்தூர் முருகனை வழிபட்டு அங்குள்ள அடியார்களுக்கு வஸ்திர தானம் செய்ய பிரச்சனைகள் தீர்வுக்கு வரும்
பிராமண குழந்தை பாடசாலைகளுக்கு தேவையான பொருட்களை வாங்கி கொடுப்பது
வியாழக்கிழமைகளில் நவகிரகத்தில் உள்ள குரு பகவானுக்கு காலையில் 6:30 டு 7:00 மணிக்குள் நெய் தீபம் ஏற்றி அர்ச்சனை செய்து வழிபாடு செயது வர தடங்கல்கள் தீரும்